我们的毕业礼｜汤宝如频NG遭马浚伟叫停感难堪：要我再熟读剧本
撰文： 吴子生
出版：更新：
汤宝如今日（6/2）现身西贡为港台电视剧集《我们的毕业礼》开工。汤宝如透露已有十多年没有拍剧感到难以适应：“我喺剧里面我系饰演一名教授，而教授呢个角色本身系会好多嘢讲。好记得第一日开工，我就要同马浚伟做对手戏。一埋位演嘅时候，可能讲对白讲得唔系几好，仲未投入到，佢就问系咪未准备好，然后佢就叫我不如再睇熟啲个剧本先再嚟拍。之后我发觉原来唱歌同拍剧系两件事嚟，变咗以后需加努力，揣摩呢个角色多啲，同埋以后谂住再拍剧时，需要再谂清楚先，哈哈！”
汤宝如续说：“点解我话要再谂清楚先，系因为我未曾试过咁耐系剧组度，有时只系瞓得几个钟，加上又要做自己嘢，咁变咗休息时间少咗。你知我年纪大啦，哈哈，我系要多啲时间休息。而且见到好多前辈背对白都好叻，变咗我系有压力嘅。但佢哋都好好，对我都好包容嘅。佢哋会话，慢慢嚟，NG再嚟过，唔使惊。反而佢哋咁我仲惊，仲大压力。”