徐小明获任命亚视行政总裁打定输数无法抗衡无线：可做到好朋友
撰文： 吴子生
出版：更新：
亚洲电视今日（4/2）于大埔亚视厂举行兔年新春团拜，亚视新任主席刘敏斌及管理层恭迎共贺，并宣布委任徐小明为亚洲电视行政总裁，黎文卓为创意总监。对于亚视将来发展前景，行政总裁徐小明表示充满信心：“其实我哋做媒体最重要就系个内容，喺制作上面我哋会加强，同时会培训新嘅演员，至于点做稍后会同同事再倾倾，到有具体就会向大家公布，始终我都会返咗两日工。”
徐小明续说：“而家系大湾区嘅经济世界，而我哋主席喺大湾都有好多发展，咁所以呢样嘢系我哋香港一个机会嚟，变咗我哋系朝向呢方面发展。（亚姐选择会继续举办？）亚姐一向都系我哋公司嘅王牌节目，呢个节目相信我哋系唔会放弃。（亚视主打路线大湾区？）咁又唔系，始终香港系我哋嘅根嚟，因为大湾区系以讲广东话为主，所以同我哋香港节目冇乜嘢分歧，大湾区嘅口味同品味，其实同香港好接近。”
被问到有什么策略可抗衡无线同ViuTV？徐小明表示：“你呢个问题问得好好，正因为我哋冇咗个开路电视，所以抗衡就讲路出喇，咁所以话唔定将来同啲台友合作都唔定，因为都冇咗收视竞争嘅时间，话唔定我哋可做到好朋友。反而我觉得我哋系应该共同喺市场上面，香港影视业里面做到一啲联手合体嘅力量。相反而今次我哋系向大湾区市场上去竞争，呢个系我哋亚视嘅目标。”
被问到亚视屡传财困，现今财务是否稳健？徐小明望向身旁主席刘敏斌说：“目前嚟讲有新嘅资金，加上有新主席入嚟见大家，呢个系我安心嚟亚视嘅原因条件。（最梗要有粮出！）咁我希望唔只有粮出。因为有粮出，我哋仲要做嘢㗎嘛阿主席。”
被问到注资多少？新主席刘敏斌未有正面回应只表示会有好多财经人士，会陆陆续续加入亚视，财务不成问题。
点撃下图睇现场盛况：
+1