程可为71岁效力无线五十载、约满签一年一骚感难受：接受唔到

无线资深演员程可为今日（6/2）现身西贡为港台电视剧集《我们的毕业礼》开工。程可为透露两年前已经同无线约满，现在以自由身接工作：“其实起初无线唔再包薪同我续约，改为签一年一个骚，我真系有一段时间系好唔开心，好难过，始终我由无线第一期训练班做到而家，喺无线效力咗五十年，突然间佢哋咁样对我，我系接受唔到，好似被人离弃咁。不过事后我都谂返转头个经...济唔好，对方可能支出大，加上我又年纪大，变咗要谂返人哋嘅处境，体谅吓人，自己放宽去谂，就唔好令自己难过，就会变得开心啲。”

此外，程可为亦表示拍港台电视剧开工时间，相对比无线轻松得多：“港台开工时间比较规矩啲，开工时间最早就系早上6点，最多拍到晚上10点就会收工，好少会拍到天光，所以对我而家咁嘅年龄系最适合。而无线佢哋就唔会理，佢哋编咗几多场戏，就要拍晒佢，有时拍到凌晨收工，几个钟后又要跟住开工，真系有时冇得瞓都好辛苦。”