预算案｜总商会倡最少派5千消费劵 汉阳：有钱派梗系好
撰文： 吴子生
出版：更新：
汉阳和谭嘉荃（Amy)今日（3/2）现身湾仔会展宠物节出席新产品发布会。提到新一年度的财政预算案即将公布，应否再次发放消费券是其中一个社会各界广泛关注的焦点。汉阳表示：“我梗系好希望会有得派，佢哋最好日日派添，但不过我谂都要视乎情况嘅。如果消费券到手，我谂我都会买电子用品多啲。（政府千忆财赤，派钱会唔会有压力？）我又唔系财爷，佢财赤定系赚一千忆，蚀一千忆我都唔识计，我哋呢啲升斗市民点识计，如果你问我派钱好唔好，咁梗系派钱好，边有人话等我睇咗银包有冇钱先派㗎。我身边朋友个个都系升斗市民，有钱派梗系好。”
Amy就表示：“有钱派当然系有好处嘅，但不过我就真系唔知，都系要睇返政府𠮶个财政状况，但如果系一啲失业人士嘅话就派俾佢哋，因为呢几年辛苦真系艰难，例如我有啲朋友唔系呢行，都而家仲未揾到长工，咁所以我觉得系睇嚟派。”