【御用细佬】黄嘉乐为救病父北上揾银：做得唔好会冇饭开

现年38岁的黄嘉乐，拥有一副童颜，所以往往都会饰演比真实年龄细的角色，令他拥有一个难以戒掉的称号：御用细佬。皆因他入行16年，参演过60套剧集演出，有14次做人细佬，也做过多个现成为一线小生花旦的细佬：如《铁马寻桥》里郑嘉颖与马国明的细佬、《致命复活》里王浩信的细佬、《耀舞长安》又做过王君韾义弟。最近在《心理追凶Mind Hunter》入面，他终于可以做一个有发挥空间的角色，他饰演一名医生，做王君韾的老公，但爱妻过程迂回曲折，内心戏多。对他来说，有一股难以言喻的兴奋。

黄嘉乐过去大多做逆龄角色，或多做人细佬，其实起初内心很抗拒：“我记得23岁嘅时候，要做一个16岁嘅o靓仔，个心真系好抗拒唔系几想做，当时又唔系好懂事，但呢啲其实都唔系我可以决定去改变，后来先发现用呢种心态去拍戏，拍完出嚟系会睇得出。”

如是者，黄嘉乐就形容自己这种状态是“唔开窍”：“我喺屋企系排最大，但点解系咁做人细佬呢？我都唔系好明。”久而久之，黄嘉乐到30岁时，对男人来说是一个黄金数字的时候，收到的剧本又是逆龄角色，再一次做人细佬，内心难免会挣扎：“有种好患得患失嘅感觉，做嚟做去都系差唔多嘅角色，就会好执着。当时就系依家嘅人所讲咁，都未‘化’，就会好想去draw人attention，系少不更事，唔明白时间系会将一个人变得有历练。”黄嘉乐长期处于做人细佬的状态，甚至让他认为自己根本就是无天份。

黄嘉乐回想起过往13年，大概一句“少不更事”，已经围绕了他一大半的演艺生涯。2003年，黄嘉乐加入第17期艺员训练班。虽然毕业之后，他比起同班同学，如李霖恩、郑世豪、何绮云等，有较多机会，很快就可以有配角做，有《心花放》的童仁及《青出于蓝》的刘国华等，但他当时似乎未有好好把机会，以致往后日子似是载浮载沉。

他忆述初出茅芦演戏的心情：“真系有种患得患失嘅心情，以起步嚟讲，训练班出嚟都系预要做够5、6年，当时咁快就有角色做，自己又唔识谂，做到一蹋糊涂。”他口中所讲的表现，让他感到最大错失机会的原因就是：“做到咁就令到幕后会觉得，呢个细路唔生性；加上有唔认识我嘅人，会以为我好串，但识落之后，就会发现我唔系好识讲嘢，畀人觉得系舒服。”他无奈地说道，再多说一句：“有呢种误会之后，想要人再去了解你，真系好难。”

他细心检视过去的表现，深切承认自己未够成熟。直到2011年，黄嘉乐因为家父患了重病，他一半为了多赚钱帮父亲医病，一半想往外闯闯，黄嘉乐就尝试到内地发展。他回望这段历史，笑言有很多人以为他失踪了，但其实他在内地接拍了古装剧《妈祖》做了男一。不过，在内地多个地方闯荡之后，他发现还是TVB好：“喺内地做嘢确实揾到好多钱，但我都睇到好多人情冷暖。好多时如果有演员做得唔好，真系分分钟下一组戏就唔见咗人，随时冇饭开，真系纯粹系揾到钱。”所以经过这段空白期之后，黄嘉乐觉得TVB的制度有它的过人之处，就是有个保障，所以返回香港。

但黄嘉乐还是觉得自己演技无天份，回TVB会觉得浪费时间吗？他坦言人要有历练才会想清楚很多东西：“我学识咗点去易地而处，唔系一味去投诉。人哋觉得我串，确实我系出现咗问题，依家都会尝试去同幕后倾多啲偈，畀佢哋知道我谂紧咩。”眼见同剧的何远东如此成功，黄嘉乐表示：“咁总会有快慢嘅，我都接受咗命运，咁就慢啲畀人睇，我系一架持久劲又死唔去嘅越野车啰。”话就话无天份，但黄嘉乐已经接受了做逆龄角色的命运，仲话“人越大，点都会有啲成熟味道会散发出来！”他最希望未来的工作可以做到啲成绩让大家看见，至少要令已去世的父亲感到安慰。