【心理追凶】王君馨演杀手怕入魔　入戏唔敢望镜：我都吓亲自己

《心理追凶mind hunter》上星期就爆了何远东，今个星期就轮到花曼发威，Sorry！应该系汪海澄，王君馨今次在《心》剧，饰演变态杀手，昨晚那集先用针筒拮杜大伟，之后再刀刺，表情冷血到呢，特别系眼神，王君馨今次真系杀死人咁款，最令人心寒是她杀完人后，即刻扮无辜，认真得人惊，为了这个角色王君馨事以做足功课、而且每日都祈祷，怕自己入魔，她接受《香港01》访问时说:“我自己个人就大情大圣，呢个角色系反社会人格，我睇咗好多呢方面嘅书，希望了解呢类人系点，讲嘢、表情、眼神多数系点，有参考日本同外国电影，因为呢类人对社会任何事系冇感觉，我𠮶3个月拍摄期要练习对任何事、任何人冇感觉，我记得有日裕美同我倾计，但我眼神系好冷漠，而我个心仲谂妳讲完未呀？唔想知呀，佢都停咗一吓，我先醒，先知头先抽唔返自己出嚟。我仲问头先系咪用咗汪海澄眼神望住妳?佢话系。”

王君馨表示角色好难进入，所以自己亦好难抽离，更要晚晚祈祷，她说:“𠮶段时候我系keep住冷血mode，我好惊自己变成汪海澄，对任何事都冇感觉，好惊自己入魔，所以晚晚祈祷，希望可以一拍完即刻离开角色，或者返到屋企即刻变返自己，希望角色嘅灵唔好入我到。裕美都有帮我祈祷，有时拍完返到屋企洗面，我都唔敢望块镜，因为我都惊吓亲自己，我有朋友寻晚睇完话发恶梦呀。”唔紧要啦，睇返《城寨英雄》花曼，或者听下佢同钟舒漫唱的《隐型》沟淡啰。