【心理追凶】蔡思贝揾洪永城谈心　唔怕唐诗咏嬲：佢都有好多朋友

新剧《心理追凶》剧情开始进入高潮位，角色一直平平无奇的蔡思贝会因为米雪饰演的妈妈突然归来而开始出现变化。思贝说：“一路以嚟我喺剧入面嘅角色都系心情无乜波动，其他角色可能系情伤呀，或者精神有问题。直至到嚟紧米雪姐出现，就会令到我都会嬲，会开始见到童月呢个平时好正面嘅社工角色会有负面情绪出现，不过最终都唔会有心理病。”剧集围绕著心理病这个因素，每个角色都会有有病或者有经历，而恩贝的角色正如她所说就是比较平平无奇。之前何远东和王君馨都因为角色的特出而受人注目，会否担心被他人抢了镜？思贝就说：“唔怕，始终系剧情会比俾咁嘅戏佢地做，其实我套角色系轻松返套戏，因为佢地个个角色都好内心戏，而我同杨明就系负责轻松嘅部分。”

对于之前有报导指她在拍剧时会向洪永城(Tony)发脾气，因为那时思贝压力太大，所以要经常找Tony倾诉、发泄。她就表示已经是很久之前的事，不过现在一齐拍《大帅哥》，因为已经好熟，所以都好有火花。其实现在私底下他们都会倾吓心事，不过怕唔怕被Tony女友唐诗咏呷醋？思贝认为：“都唔会嘅，朋友嘛，诗咏都有好多朋友。”那么会否找剧中跟她一对的敖嘉年倾心事，她笑说：“又少㖞反而，嘉年同佢讲笑多，倾心事少。嘉年份人成日都讲笑，同佢讲认真嘢佢都可能会讲返个笑咁。”