毒舌大状｜票房破5千万　栢天男爆黄子华有意拍第二辑：原班人马

林小湛和栢天男昨晚（30/1）现身尖沙咀出席电影《毒舌大状》演艺界场，对于《毒舌大状》上映9日的票房已冲破5000万大关，续创香港电影史上港产片最快纪录，栢天男表示：“见到有咁好嘅成绩，其实都系我哋所预期，因为我哋成个班底都好劲，有黄子华同谢君豪助阵，再加埋导演吴炜伦引领住我哋，令到我哋成班人都好投入去做好自己嘅角色，见到有咁好成绩，系打咗支强心针。我仲听黄子华讲过，想原班人马再拍第二部，希望到时会成事啦。”

而林小湛笑言：“虽然唔能够同黄子华有对手戏系有啲可惜，但见到成套戏出到嚟有咁好嘅反应，真系好开心。而我喺套戏里面虽然系做坏人，但我好希望下次能够改邪归正，要做返个好人先得。”