苑琼丹内地掘金做直播带货　狂食百几只大闸蟹揾命搏：背脊骨痛

苑琼丹（苑仔）今晚（30/1）现身圆方出席电影《毒舌大状》演艺界场。提到近年在内地掘金做直播带货，赚得盘满钵满。她接受《香港01》访问时说：“其实我都唔知点解，突然之间对呢行好有兴趣，都令我推咗好多嘅工作，因为我想专心做好直播先，其实做直播带货其实唔系一件容易嘅事，亦唔好以为钱好易揾，我哋系要靠把声，而且试过讲十个钟，系讲到我成个背脊啲骨痛，咁所以我系好想去挑战佢，想做好一番成绩，呢个唔系钱嘅问题，而系面子问题。”
延伸优惠：秋季当造“三阳泰”大闸蟹$42/只｜独家优惠至30/11低至半价预订

讲起做直播带货辛酸史，苑仔不得不提和细细粒（陈嘉佳）一起经历的惨况：“有一日我同佢一齐做直播带货，主要卖阳澄湖大闸蟹，负责人蒸咗三百只大闸蟹俾我哋做直播嘅时候食，我一听到都好愕然，心谂唔系啩老细。到最后我和细细粒系食咗二百几只大闸蟹。所以话大家见到直播带货行业，睇落好风光好亮丽嘅表面，其实我哋为做好件事，大家都系豁晒出去，好彩之后大家身体都冇乜事。”