超级毛特儿大赛｜向海岚忆述爱犬被袭受伤不禁落泪：肿到成个波

向海岚（Anne）和周奕玮（Jarvis）今日（28/1）以评审身份现身柴湾出席无线J2《超级毛特儿大赛》面试。Jarvis透露今次参赛者共有618名，将会分阶段进行面试：“今次真系好犀利，真系冇谂过会有咁多人去参加，完全系超出我哋所谂嘅几倍数目，真系好夸张。我谂到最后可能拣净15至20位参赛者留低。净系拣品种都有排拣，同埋有好多特别嘅故仔。就好似头先有位主人佢话自己有阴阳眼，连佢只狗都有阴阳眼，咁所以会有好多呢啲神奇嘅故事。”

此外，Anne忆述爱犬Chloe两年前被大狗袭击身受重伤不禁落泪：“其实咬佢只狗系我朋友只狗嚟，而两只狗系认识又有玩过，但唔知点解𠮶日玩玩吓就突袭击佢，起初以为皮外伤，睇完医生就冇乜事，点知情况急剧恶化，几日就肿到成个波咁，要即刻带佢入院做手术放脓。最令我痛心内疚嘅系，当时我喺国内工作，唔能够喺佢身边照顾，令到我好担心，而家讲起我都觉得好对唔住佢。”