戴耀明承认个性执着令事业停滞 李丞责：演精神失常角色有帮助

香港著名堪舆学家李丞责师傅和戴耀明今日（13/1）现身尖沙咀出席无线新春贺年节目《新春开运王》宣传造势活动。戴耀明借机向李丞责师傅问来年运程，令事发起死回生。李师傅就话：“其实佢本身条命欠金，反而要做一啲关系刀刀剑剑嘅嘢，拍古装系好过时装剧，加上如果同警匪片有关嘅角色都会着数啲，因为𠮶啲都要揸枪揸兵器。另外仲有一样嘢，唔好介意嘅系唱歌，但你未必得。不过大声叫即系𠮶啲精神失常，思觉失调𠮶啲角色对你有帮助，因为做紧你欠金𠮶样嘢。”

李师傅续说：“同埋你份人好鬼腌尖，就算好少嘢你都会觉得好烦，如果你都未做好你自己，而又太过真情流露，咁样唔得㖞，乜都摆系个样度，喜怒形于色，所以演技你要再磨练。”戴耀明接著说：“师傅系讲得啱，有时有啲位自己系比较执着咗，好小嘅事，我都太过在意，有时夜阑人静嘅时候，会谂到瞓唔着，有时仲会谂到眼湿湿咁，个意景好似飘雪咁，感觉好孤单咁。”