陈滢雄心壮志要捞过界做埋监制：自己系有呢方面嘅天份

陈滢今日（13/1）现身大埔超级城出席新春贺年活动。新年就快到，陈滢就透露将会返加拿大探亲过新年：“较早前我买咗机票谂住圣诞节返去，但后尾因为工作关系返唔到过去，变咗走唔到。事后唯有将𠮶张机都延迟到今个农历新年先至返去。坦白讲，利是钱我就冇准备，但我就会送早前准备好嘅圣诞节礼物俾佢哋。”

踏入新的一年，陈滢希望在事业上有大突破，能够监制新节目：“我谂我之前摆咗好多时间喺拍剧度，咁所以想拍完《痞子2》之后，俾少少时间自己试吓做监制。因为我觉得自己系有呢方面嘅天份，而且喺自己嘅社交平台度嘅片，都系由我自己一手包办。（会𠮶会揾曾志伟倾倾？）其实都会呀，因为佢都好鼓励我哋，都会问我哋有咩节目想拍。变咗有咁嘅机会，我都想去尝试吓去做。”