邝静汶喉咙生瘜肉　手术后变“鹅公喉”救唔番：医生讲明会变差

邝静汶（Cindy)今日（13/1）现身尖沙咀出席无线新春贺年节目《新春开运王》宣传造势活动。模特儿出身的Cindy近年转战影视圈，正式成为演员，她透露初时未懂习惯：“因为以前做模特儿嘅时候系唔需要讲嘢，主要都系俾人影，但当我做咗演员之后，讲嘢嘅次数系多咗好多，变咗对住镜头时需要学识执生，同埋要转数快，真系唔可以成旧饭咁，懵吓懵吓咁。”

对于有网民指她声线沙哑，似“鹅公喉”，和清秀外表成一大对比。Cindy表示：“其实我以前唔系，喺我2019年嘅时候，我做过声带手术，医生话我喉咙生咗两粒瘜肉，讲明做完手术情况系会差，所以变成而家咁。不过呢样嘢变咗系我嘅特色嚟，就算见唔到我，听到我把声就知系我，哈哈。李丞责话过女仔把声线系温柔嘅，就容易问人攞钱同容易俾人养，但强调声线好似我咁，就唔会过影响财运嘅，咁我都安心啲。”