网红叶俙贤坦承有人问价 闻钟培生即语窒：上司下属关系

网红Amber（叶俙贤）早前参与由钟培生有份投资的电影《#PTGF出租女友》时惊人身材尽现人前，令人目不转睛，人气火速爆升。早前Amber更被变态狂迷性骚扰传露械照，搞到十分无奈。今日（4/4/）Amber出席宣传活动，提到被性骚扰一事，她接《香港01》访问时说：“其实而家都仲有被性骚扰。之前我觉得会好好笑，但之后觉得佢哋好无聊啰，佢哋净系传只系个性器官俾我，日日都系𠮶个我会觉得好闷啰。有时候都会同一日有十几人都系传呢啲相。其实呢啲相有咩好睇呢。”

被问到有否被人问价？Amber续说：“佢哋会系我啲相下面留言问我收几多钱，过夜又咩价钱。但如果𠮶个人系男朋友嘅话，咁𠮶个真系唔使钱，咁点会收钱呢。哈哈！（有冇人开价千万包你？））如果有人开价成千万，我就会唔喺度做访问啦！（好坦白㖞！）问题系而家真系冇嘛！一千蚊都冇人俾我呀。（钟培生肯揾你呢？）唔好，唔好、唔好！呢个我同佢系上司同下属嘅关系嚟嘅，上一套戏佢都系其中一个投资方，如果佢身为我嘅朋友，我系OK。但如果要有进一步嘅话……我系高攀唔起佢。（佢冇约你食饭？）冇，我哋冇交换联络方法，大家只系喺庆功宴食过饭。”