网红Santis被指和MC暗挞　闻同行超市即口震震：过咗去就唔好提

网红Santis（陈濬桦）早前被指背夫与歌手张天赋（MC)暗挞双双行超市，事后辣庆老公熊仔头遭到解约。随后熊仔头在IG限时动态表示：“天蝎座嘅女人真系好恐怖。”而Santis亦在社交平台澄清与熊仔头不是夫妻关系，但却在YouTube开设的频道单方面承认曾与熊仔头拍过拖，同MC亦只是普通朋友关系。

今日(4/4)Santis现身土瓜湾出席活动时就上述事件接受《香港01》访问时表示：“其实我同熊仔头系和平解约，我系唔需要赔钱。而解咗约之后，大家再冇联络，希望大家保持距离。而佢喺IG度讲𠮶番说话，我就唔觉得系讲紧我。因为全世界有咁多天蝎座嘅女仔，唔通就会中招咩。（认识咗几耐就会同人行超市？）其实呢啲事过咗去就唔好提，而家我仲系单身，想专注系学业同未来嘅工作。（同MC有冇联络？）我哋冇联络。但日后如有工作合作，我就唔会话会避忌对方。（同MC将来会唔会有发展机会？）我谂就唔会，毕竟而家我唔想有伴侣住，都想专注返工作上。”