七线人弃王｜郑隽熹做陈山聪替身　水中被狂踢：cut机完全无人理

无线全新综艺节目《七线人弃王》起用陈俊坚、郑隽熹、程浩骏、林浩文以及姚宏远做主持。节目开首已自揭底薪的5位，入行至今，全靠副业才足维持生活。对他们来说，能够拥一个有名字的角色是最好不过的事，但世事岂能尽如人意？

5位“人弃王”中，以姚宏远的package最为理想，18岁赴美升学，修读金融科，同期毕业的友人收入稳定、发展理想。“唯独我咁误入歧途，但始终系自己选择，想做不一样嘅事，其实屋企人唔反对已经系最大支持。”入行8年，无论是在《牛下女高音》抑或《宫心计2深宫计》都难逃一脱，莫非这就是不一样的事？“始终唔想永远都做同一样嘢，重复又重复又无发挥，我唔介意做舞男而好有发挥，但暂时都系为脱而脱。”他说。

唔会主动敲监制房门

不少无线艺人曾表示想要争取角色，不妨敲敲监制办公室房门打个招呼。假若不想再为脱而脱，或者做一世手下角色，5位“人弃王”大可也敲敲房门？程浩骏：“我会觉得同完监制打招呼，当佢知道我系边期毕业，但会唔会因为咁而下次开剧预我一角？我哋会用自己方式去争取，不断拍片系其中一个好大原因，令人觉得我哋胜任，同埋keep住自己去运作，等机会嚟嘅时候唔会生疏。”与其等监制发现，何不主动出击？郑隽熹说：“我哋真系太低层，连剧集点去拣人都唔知，剩系听过同PA熟啲会有帮助，点知一熟又走，又或者keep住揾你做手下角色，后来发现愈做愈kam（恶哽），因为恃熟卖熟。”

连替身都要做埋

说到Kam，郑隽熹曾经试过在《金宵大厦》中饰演橡胶人，拍摄时刚好夏天，他被“胶”由头盖到脚趾尾，“胶”内的风扇坏了，没有中暑绝对是执番身彩。“另一Kam又系拍《金宵》，做陈山聪替身，𠮶幕系讲佢同前世嘅自己挣扎，我喺水底系咁比佢踢。即系我已经唔suppose做替身，做到又未必有人欣赏，仲要一cut机个个都围住山聪，我就自己爬返上水，咁都ok嘅，笑下啰，因为冇死。”

作为七线艺人，不被留意实属正常，但陈俊坚早年在无线做dancer的经历，绝对系啧啧称奇：“我病咗但照返工，排舞老师叫我休息下，于是我喺一旁瞓，到我再打开眼先，天光、又系10点？但啲人唔同晒，原来我足足瞓咗24小时！完全冇人叫过我！不过𠮶时做dancer辛苦过演员好多，有时一次过要记几廿只歌舞步。”陈俊坚2013年原有机会升任助理排舞师，但他选择了报读艺训班，原因系担心前者就算到6、70岁都只会做同一岗位的工作。“不过转咗第一次就好后悔，一来人工、二来dancer只需记舞步，但演员系所有嘢重新嚟过。”加入无线15年，早已见惯认识的同事由为人所认识到奋斗努力最后变男主角，说没有不甘心也是骗人，陈俊坚说：“我喺节目有讲过自己有咩比唔上一个一线，被黄嘉乐一句‘做咗20年’收皮。”

无线真系有爱?

尽管无线合约等政策近年不时被指无情，但无线艺人又确系人间有爱，访问中，张振朗和徐荣同是“人弃王”口中有赞无弹的前辈。前者是出名的戏痴，每次合作时，都会特地留下来与大家讨论：至于徐荣，程浩骏说拍摄《反黑路人甲》时，他饰演对方的手下，角色原先没有名字。“有角色名系肯定，有日佢话帮我谂角色名、揾位叫我，于是就谂到牙签呢个名，到而家啲摄影师都仲系叫我牙签，所以系极度多谢佢‧。”程浩骏说简单一句“加油”，对他们来说已是很大的鼓励，他表示：“前排好down，有次刚好见到高Ling开live，睇完之后好有得著，于是忍唔系DM佢，因为都仲有好多嘢谂唔明，而佢真系答咗我好多嘢，如果唔系佢咁样拉一拉，可能而家都仲未走出来。”