七线人弃王｜陈俊坚自爆曾与张名雅拍拖：出街约会系非常麻烦

由林浩文、郑隽熹、程浩骏、姚宏远、陈俊坚主持嘅综艺节目《七线人弃王》，近日在myTV SUPER上架。节目其中一集以“爱恨交缠”为题，众人分享自己嘅恋爱史，而当中两位主持原来更系“蓝血人”。陈俊坚表示：“圈中有个称号叫‘蓝血人’，蓝血人平时系指贵族，有同过港姐拍拖嘅男士都叫做‘蓝血人’。”同场的林秀怡问︰“你同过港姐拍拖？”程浩骏即抢答︰“张名雅算唔算港姐吖？”

而曾经都系“蓝血人”嘅陈俊坚就话如果被港姐拣中，一切都系“合眼缘”，他说：“但系出街约会系非常麻烦，甚而去旅行，坐飞机都要特地分开，去戏院都系要等佢播咗先可以入场。其后问到系咪因为做过蓝血人，所以想做返普通人时，林秀怡即时表示对他普通人经历十分感兴趣，陈俊坚即扮傻问咩系普通人，“人弃王”郑隽熹插咀表示：“港姐𠮶啲叫蓝血人、咁训练班𠮶啲叫咩？（你咁讲出嚟，个范围咪好细啰？）边有人知系李君妍，痴线！”当陈俊坚表示会偏向与圈外人拍拖时，另一“人弃王”程浩骏即问：即系张名雅同君妍都麻麻哋？”陈俊坚就话：“佢哋都系好人。”其实话题一转，已经转到“一日几次”、“钟意咩姿势”，陈俊坚就有大方回答：“我唔多，隔日一次，我唔明点解我啲朋友可以一日六、七次。”

张名雅系2012年香港小姐冠军，但入行多年却未有太大发展机会，一直做配角，直到2016年便下嫁律师老公蔡锦豪，之后为对方先后诞下两子便开始淡出幕前，至近年才复出拍摄《七公主》。