刘心悠力撑正气马浚伟　新剧做郭羡妮新抱感神奇：拍摄期间好混乱

香港电台周五（26日）拍摄新问答节目《知情识趣31》，刘心悠受新创作总监马浚伟所邀参与录影，由于节目有意义，并没有考虑太多酬劳的问题：“我《心宫计》识佢系一个好正气嘅人，所以拍完剧之后都有去撑佢舞台剧；佢做嘅嘢都系为下一代、为教育，自问未有能力贡献得咁多，佢出声帮手只要系正面就一定会撑，就算我今日喺度出丑都OK，始终冇知识就系冇，好难去准备；但如果我细个有多啲问答大赛，我就唔会系一个hea嘅学生。”

刘心悠日前拍毕ViuTV电视剧《冥冥之中》，她说：“第一次同Viu合作、得着好深；第一次同郭羡妮合作，佢喺剧中做我奶奶，同佢合作都几有爱，佢又好靓女。因为有好多时空穿梭，有时拍摄期间会好混乱，每个人都分饰几角，我都睇咗好多次剧本先明！”问起参与ViuTV、TVB、内地剧集感受有什么不同，刘心悠就表示：“每个故事性质唔同，所以冇得比边间公司，如果去内地就比较惊天气冻同要隔离，香港就方便好多。不过我唔拣地方、而系拣故事，而每个经验都好珍贵。”