陈志云拒评曾志伟大规模改革：冇留意TVB啲节目

陈志云（志云大师）周三（17日）为选秀节目《败者重生战》第二轮比赛担任评判，提到会以男团的准则作评分：“合作性、偶像又唔可以独孤一味，唱歌、跳舞、演戏样样都要皆能，而家参加比赛真系难！”

作为无线（TVB）的前业务总经理，志云大师相当关心旧公司近况，早前先后指TVB变旧ATV“请多100个曾志伟都系冇用”、又爆料TVB与ViuTV竞投除夕骚却因人气男团MIRROR而败阵等⋯⋯问起曾志伟、王祖蓝等回巢任高层后进行多项改革，志云大师坦言不太清楚：“冇留意TVB啲节目，所以我好难评论改革做成点，我真系好少睇TVB，最近本地电视台节目都比较少睇，反而睇多咗串流平台。”志云大师透露有留意TVB与三大唱片公司破冰：“呢个系好事。例如《声梦传奇》都做到啲人出嚟系大家认识，都唔错有啲成绩；始终制作节目都要啲时间，畀啲时间佢哋。”

谈起长寿音乐节目《劲歌金曲》时长由1小时被减至5分钟，志云大师坦承“TVB收视压力系好大，不过《劲歌》嘅收视压力就唔止系今日，以往TVB仲系好强嘅时候已经有一定压力，因为呢一类型嘅节目电视台都觉得似鸡肋，食之无味弃之可惜，唔想喺呢个重要范畴冇咗定位，但佢又的确唔系所有年龄层都啱睇嘅节目，始终TVB大就要攞个平衡，我都明白点解佢哋作出咁嘅部署，但我又觉得无妨去试吓，始终年代唔同咗。”

假如无线高薪请志云大师回巢，他又意向如何？“我觉得TVB一定唔再需要我，而家都人才济济，加上我自己而家嘅生活真系好愉快，喺商台做顾问占据嘅时间唔多，主持早晨节目又好轻松自在地畅所欲言，而最开心系自己嘅YouTube志云频道，大家记住Subscribe。”

同场加映：星空下的仁医｜演员中期评核报告　有配角表现劲过郑嘉颖钟嘉欣