Ben预告明年加入乐坛唔同MC争新人奖　193妹妹唔知哥哥感情事

张天赋（MC）、赵祥诚（Ben）、ERROR成员193（郭嘉骏）的妹妹郭嘉盈（Michelle／3妹）《造星》囝囡“三代同堂”，周四（7日）齐齐出席电竞家具发布活动，MC自认打机发烧友：“细个因为沉迷打机，爸爸甚至要收埋电脑滑鼠同键盘带返公司！”Ben表示同病相怜：“我都打到俾人锁机！”

MC今年推出3首派台歌皆反应不俗，他随即透露在月尾的音乐会前将会推出第四首歌曲：“会系Pop啲嘅惨情歌！”至于今年新人奖竞争炽热，作为大热门的MC就有信心：“好大嘅因素源自粉丝嘅支持，但都系平常心，始终作为歌手嘅重心系做好音乐。”

Ben近月落定加盟寰亚，谈起接下来的活动计划，他就表示正在积极装备自己：“学紧唱歌，始终觉得自己唱歌有好多不足，所以要做Gym练气、都要练好自己声带。”问起Ben会否加入今年乐坛新人奖激烈大战，他就说：“出歌可能系明年嘅事。”

193与“Dee姐”陈海宁（Isabella）绯闻不断，二人近日被指分手，3妹表示对哥哥感情生活并不知情：“通常我问佢都系关于《造星》嘅嘢，彩排佢都会畀好多意见，感情生活好少讲，我真系唔知，但我相信佢可以Handle到嘅。（哥哥状态还好？）冇变啊，都系好努力工作，等我今晚返去了解下先。”