黄婉曼加盟ViuTV随时“自肥”见MIRROR：要问花姐喇！

黄婉曼（Icy）今日（4日）为MIRROR成员Anson Kong（AK/江𤒹生）的ViuTV新节目《Have A Sweet Gym》担任嘉宾，换上一身剑击服即场跟前香港男子剑击运动员林衍聪学打剑，并于AK同场较量。她接受访问时笑称自己的平衡力不好下盘不够稳，向来都是做瑜伽和健身较为静态的运动，因此要学打剑都非常有困难，不过都觉得好好玩。

Icy担任TVB主播时凭活泼跳脱的报道风格深得观众喜爱，更因为一句“跳出香港”而人气急升，其后她两度进出TVB，于2011年到nowTV主持游戏节目《揿钱》，又到过亚视为节目《放眼马世界》担任客席主持，如今她已经成为两女之母，已离开主播台多年再到ViuTV做节目，难道有意加入ViuTV成为旗下女艺人？“应该要问一下花姐喇！我两个女都开始大，我都谂住做返啲幕前嘅工作，而家都多咗做主持，因为都系我一向钟意嘅工作。其实ViuTV嘅前身就系nowTV，当年nowTV开台做综艺节目嘅时候我就已经喺度，所以我一早就系nowTV嘅人喇！”

Icy又大赞AK这位拍档非常努力又上进，因此非常明白为何MIRROR拥有这么多的粉丝：“我身边都有好多朋友排waiting list问我可唔可以带埋佢哋一齐，我谂而家要喺身边都好难揾唔到MIRROR粉丝，佢哋好后生好努力，例如AK今日学新运动都有做足功课知道基本嘅步伐、技术系点，我觉得佢系一个好努力嘅年轻人，所以佢哋嘅成功系有原因嘅。”