张建声拍《一秒拳王》两日唔饮水 形容新戏是台词上的一大挑战
撰文： 赵允琳
出版：更新：
张建声昨日（3日）以颁奖嘉宾身份出席大家食饮食集团Logo设计大赛，他笑言之前因有人将他P图自己到大家食老板吕茂正的招牌Logo上，被两人的共同好友发现两人相当似样见因而邀请他来做嘉宾，他与吕老板一见面就一见如故，更获对方答应可以免费去旗下餐厅食饭，令张建声笑到见牙唔见眼：“1998年到依家，我哋做演员要好似吕生咁屹立不倒咁多年系好难嘅，仲要喺逆市开分店！”
张建声表示自己虽然很喜欢食刀削面，不过如工作需要短时间内回复最佳状态就必须严格遵循饮食餐单：“食鸡肉、食菜同埋大量带氧运动，呢个系冇得变嘅，我最fit嘅时候系两年前嘅《一秒拳王》，𠮶时40日要减23磅，仲为咗影海报48个钟唔饮水！不过我之前为咗部戏增到220磅，而家已经减咗30几磅，距离自己嘅目标都仲争20磅。”
张建声透露现时自己正在拍摄一部新电影，不过今次相当有突破，因为演的角色与过去的张建声非常不同：“资讯性嘅嘢比较多，真系台词上嘅大挑战，平时嘅我都系虾虾霸霸，一系做好人一系做坏人，今次真系要带出好多资讯，所以我一路讲紧嘢个脑系一路背紧台词嘅！”