姚焯菲第一次拍剧唔怕NG　捉实炎明熹重演《鱿鱼游戏》经典一幕

TVB为《声梦传奇》及《盛舞者》学员度身订做的青春偶像剧《青春本我》于今日（3日）进行拜神仪式，在炎明熹（Gigi）及姚焯菲（Chantel）两大主角透露自己分别饰演的角色叫“何芊芊Gigi”及“陈婷Chantel”，而且角色都与本人性格颇为相近，因此演绎方面未算有太大困难。

Gigi表示今日只是她第二日拍摄，所以仍处于了解中的状态，而Chantel则更是第一日投入拍摄，所以都有点紧张：“今日得三场唔会太多对白所以OK嘅。我哋可能冇乜拍戏嘅经验，所以导演都好紧张，系咁捉住我哋排戏又同我哋讲解，所以都安心好多。”

Chantel虽然是拍剧初哥，但因为有三年在学校参加舞台剧的经验所以对于临场表现都有不少帮助：“有一次发生意外，我坐喺台边成个人跌咗落去，系一个好搞笑嘅经验！但今次拍剧同真系演舞台剧系好唔同，呢度可以NG，但舞台剧发生呢啲意外又会搞到成场好搞笑，不过拍剧NG得太多次又唔系太好。”

Gigi和Chantel现实中都是学生哥，既要兼顾学业又要忙于拍剧时间会如何分配？Gigi表示没太大压力：“剧组都尽量就住我哋嘅时间，多数都系星期六日，（影响学业）我又唔会担心得咁多，因为担心得太多嘢都会做唔好，我系会一步一步咁行，如果𠮶日有测验我会带本书去温。”