宝宝大过天｜黄文意演肥师奶　摆脱性感证实力：珍姐唔想我做花瓶

TVB剧集《宝宝大过天》以新手父母的育儿故事为背景，当中阿风（吴业坤饰）同Creamy（黄文意饰）这对年轻夫妻未定性，惹来不少麻烦，两公婆经常斗嘴，阿风更叫老婆Creamy做“死肥婆”，相当搞笑。剧情讲到Creamy拍片推销减肥茶，以运动Bra Top上阵的她展现微胖身形，但就被阿风泼冷水，更笑她虎背熊腰！

剧中Creamy因为生B后身材走样，决定绝食减肥，但就搞到连抱仔都不够力，更直言“唔想一世做死肥师奶”，不过阿风就安慰她：“肥婆，你听我讲啦，你一百磅都好，二百磅都好，我都系咁爱你㗎。”之后更揹起Creamy！不过事后坤哥就在Facebook留言：“都几重下”，但黄文意（Mandy）在接受《香港01》访问时就笑言不会介意：“我哋见观众睇得咁开心咪喺社交平台上面耍下花枪搞气氛，坤哥其实私底下好礼貌好认真，非常照顾身边每一位演员，佢嘅演技真系好出色，因为私底下佢讲嘢唔系咁，其实我哋两个喺片场都系比较安静嘅人，将所有嘅力量发挥喺演出上。”

Mandy同坤哥在剧中经常互窒，以“死穷鬼”及“死肥婆”来称呼对方，火花十足，Mandy亦大赞拍档带她入戏：“坤哥好有创意，佢会将对白演绎成金句，尤其系闹我𠮶啲对白，佢可以即场谂到好多花招出嚟，片场上杀我一个措手不及。所以我𠮶时拍闹交戏系拍到咬牙切齿，佢镜头前闹得我咁过瘾，我唔用返同样程度去话返佢畀观众睇条气会唔顺，但我又真系次次都唔够佢转数快，次次都俾佢窒到好激气！”

重温Mandy同坤哥互窒：

现年28岁的Mandy在加入TVB初期主要担任娱乐新闻台主持，其后因为在旅游节目《3日2夜》中大展丰满身材而备受关注，前年更转签经理人合约，成为“亲生女”。Mandy过往参演过不少剧集，但戏份不算多，不过今次在《宝》中就演活了这个师奶仔的角色：“其实珍姐有同我讲过，佢唔想我做花瓶，想我努力畀人睇到实力，而唔系得个壳，我一直铭记于心。加上公司畀咁好嘅资源我拍呢套剧，今次又有咁多实力派演员，我觉得尽力要做好件事，外形上要符合角色需要，最后见到出嚟嘅效果贴地我好放心。其实我拍剧的时候从来不会担心自己的样子，因为如果成日谂住个样好唔好睇，出到嚟效果未必入戏。其实我觉得之前嘅性感形象系个意外，多得各大传媒畀面先有呢个形象，我就好似行错地方但得到热情款待一样。以前啱啱入行就会把性感风当一个体验去讨好很多人，但而家人大咗想忠于自己。”

其实Mandy家底丰厚，爸爸黄裕发在内地经营LED灯生意，公司发展得甚有规模，身家保守估计逾10亿，她亦因此被封为“10亿千金”。不过Mandy坚持不靠父荫，希望证明自己的实力：“家境听落的确好似令人有更多优势，但如果因为呢个原因导致我对人生唔努力同认真，咁我谂我父母会情愿我白手兴家。我真心钟意表演艺术，我港大硕士同中大学士都系研究相关科目。如果有人觉得我唔忧做而将机会畀其它人，我会好伤心。日常生活我尽量做到好多嘢都系靠自己，对比屋企人有嘅，自己嘅其实好不值一提，我都希望有一日我可以拥有更多，等‘父荫’在旁人眼中无咁大对比。”