宝宝大过天｜岑丽香呻同马国明成日嗌交似劝人离婚：开厂嗌到收厂

由岑丽香、马国明、龚慈恩、商天娥等主演的TVB剧集《宝宝大过天》正在热播，剧中饰演悠悠的香香，因为囡囡童童（梁芯语饰）进入“Trouble Two”时期而头痛，而在现实生活中，香香的大仔Jacob亦已经两岁，日前她上电台接受访问时，就分享了凑仔生活，除了感叹“妈妈唔易做”之外，更直言自己都觉得悠悠太过神经质！

香香饰演的悠悠对囡囡过分紧张，经常因为一些小事就情绪爆发，甚至惹来不少负评，狠批她演技浮夸，但原来她都曾经提出疑问：“我个角色成日发癫，好顶唔顺呀，睇剧本𠮶阵时我就觉得系咪咁癫嘅呢？使唔使成日都大嗌、尖叫呀？会唔会真系闹到咁嘅呢？𠮶阵时我系未明白嘅，因为我又未试过要同我个仔打交，我就要问身边啲friend系咪真系咁。咁而家我就真系经历紧𠮶阵时拍摄嘅嘢，但都系好事嚟嘅，我会学返剧入面嘅处理方法应该系点。”

剧中香香与马明饰演夫妻，不过就经常争吵：“个剧情下下都要我哋嗌交，真系每一场都嗌交，由开厂嗌到收厂咁济，好攰呀。𠮶阵时我同马明都有话我哋系说服紧人哋生BB系开心呀？定系叫人离婚呀？”虽然剧中的香香经常抱怨马明未能分担凑女的重任，但在现实生活中她的老公强强就是一位“神队友”：“佢叫我安心拍剧，佢应承我日日准时放工返去帮阿仔冲凉，喂佢食嘢，氹佢瞓觉，好多谢佢。”

香香在2019年3月诞下大仔Jacob，而Jacob现时已经两岁大：“佢而家两岁识得反叛喇，见到其他曳嘅小朋友嘅嘢都学埋喇，凡事都可以系难呀。譬如冲凉，唔肯冲，你摆佢入浴缸，佢撑住只脚，左右两边，真系要两个人，一个捧住佢只脚，一个放佢入去先得。”虽然香香大呻Jacob开始反叛，但其实她非常爱锡两个宝贝仔，还不时在IG分享两兄弟的合照，更有不少粉丝追问她会不会生第三胎，而香香在访问中就笑言暂时封肚：“我开头都想生个囡囡嘅，但系我谂下谂下呢，成屋都系男仔，我个老公就冇人同我争啰！”