宝宝大过天｜朱斐斐收起性感演印佣　叹收入大减：有工开先有粮出

TVB剧集《宝宝大过天》剧情讲到悠悠（岑丽香饰）妈咪Diana（龚慈恩饰）特别请了一名印佣Siti（朱斐斐饰）帮手，让悠悠可以重返职场，更借助Siti时刻监视欢姐（商天娥饰）的一举一动。饰演Siti的朱斐斐在接受《香港01》访问时笑言今次不但造型上有突破，她在事前更做足准备：“特登化黑咗，我同马明用同一只色粉底。我都用咗两个月时间去学印尼姐姐讲广东话嘅口音，我做Gym𠮶度都有请啲印尼籍姐姐，我就攞住份剧本问，之后录低佢哋点讲，返屋企不断听。”

重温精彩剧情：

其实过往有不少艺人都曾在剧集中饰演外佣姐姐，包括在《欢乐今宵》中饰演Maria的江欣燕及在《爱·回家之开心速递》中演Liza的姜丽文，斐斐都有从中参考：“佢哋两个都做得好似，特别系姜丽文啲口音学得好真，我都有睇佢嘅演出偷下师。”斐斐自艺员训练班毕业后，曾参演过不少剧集，但大多都是客串性质，今次终于有一个贯穿全剧的角色：“监制第一时间谂起我，畀我尝试Siti呢个角色。以前一路做人哋个妹或者学生妹，今次算系一个另类嘅挑战，亦系第一次演搞笑剧，初初都惊自己冇乜搞笑天分，不过香香、马明、娥姐都有一手，喺呢个环境下自然都跟到佢哋嘅节奏。”

现年29岁的斐斐入行九年，一直未有机会上位，令她情绪出现问题，患上忧郁症同暴食症，她更曾表示被亲戚朋友问起都讲不出代表作，一度想转行，不过近年终于有转机。去年斐斐在剧集《迷网》中性感上阵色诱钟志光一幕相当抢镜，今次在《宝》中再靠印佣Siti一角成功弹出：“呢几年嘅角色开始好咗，好似上次《迷网》咁，都好开心有呢个角色，今次就好密实㗎，完全冇性感，畀大家见下我另外一面，我终于可以同大家讲做过边啲戏！”

除了做演员之外，斐斐还有兼职做健身教练，去年更投资开网店，卖健康食品及时装，不过生意因疫情关系难免受影响：“呢两年系比较难过啲，之前市道好啲，大家都疏爽啲会请下教练，同埋拍嘢都少咗，以前出边都接到啲广告仔。（网店生意如何？）之前都啱啱回到本啰，但啲货源韩国嚟嘅成本有啲高，等我揾到个好少少嘅供应商应该都会Keep住做落去嘅，你知公司有工开先有粮出㗎嘛，所以都要揾下外快帮补下！”