陈凯琳同细佬开Live互窒　反击Derek被指唔似中国人：佢好传统

陈凯琳（Grace）同龙凤胎细佬Derek一向感情好好，早前Derek注册结婚，Grace同老公郑嘉颖都有到场见证重要一刻。日前Grace在IG开Live，起初她与网民分享了近日的日常生活，包括美食、最近在看的书、工作近况等等，但期间Grace发现细佬Derek留言后，力邀对方加入。两姊弟隔空开Live，不时用英文交谈，互动自然又搞笑，Grace更大爆囝囝Rafael原来好惊舅父：“Rafa细个好惊啲有须嘅人，不过而家大个咗就唔会，见到你张相都会嗌‘舅父舅父！’”

Grace同Derek过往因为标致外貌而备受关注，两人不时被误以为是混血儿，同大家姐Joyce完全唔似样，尤其是Derek肤色比较深，加上深邃的轮廓，经常被指似外国人，Grace亦有提及此事：“我知好多人话我细佬唔似中国人，但我想讲其实佢好传统，朝朝早都会嗌‘妈咪爹哋早晨’，食饭嘅时候会嗌‘各位食饭’，又会夹𩠌畀人。”点知Derek竟然驳咀：“即系鬼佬唔做呢啲嘢？佢哋唔钟意Respect（尊重）。”搞到Grace笑言：“咁又唔系咁讲，你要窒我我冇办法啦，我觉得你有呢种Traditional嘅Values（传统品质）啰。”大赞细佬好有礼貌！