吴若希公开怀孕高峰期绝密照　坚持囡囡要遮样免受网民攻击

在去年11月初宣布诞下囝囝Kylian的吴若希（Jinny），虽然在月尾才正式踏入29岁，但已经育有一仔一女，成为圈中的靓妈之一。近期积极经营个人YouTube Channel的Jinny，日前拍片分享育儿心得，大谈成为妈咪后心态上的转变。Jinny坦言自己以前是个工作狂，但自从生了小朋友之后，她就放慢生活节奏，事事都会围绕着小朋友，好舍得在仔女身上花钱，她更公开怀孕高峰期的绝密照，分享产后Keep Fit秘诀！

平时会在社交平台分享日常生活的Jinny，不时Post出温馨家庭照，但每次都会遮住大女Giselle对眼，原来是为了保护囡囡，免受网民攻击：“大家对女仔嘅批评系特别衰格，我自己作为一个公众人物，就算你几努力工作，都会有人剥削你对工作嘅努力同付出，同埋会有啲特别难听嘅字眼，网民一啲难听嘅说话其实我听到都会好唔开心，咁多年嚟我都系介意嘅，但系我做唔到啲咩。我好明白女仔喺公众环境下受到嘅攻击会比较大，我唔想佢因为妈妈系公众人物而被人批判，我觉得囡囡系要贵养，仔系要穷养。男仔如果被大众认识，无形中会成为压力，令佢会比较循规蹈矩，所以囝囝我就选择唔遮眼，希望大家去认识佢，令佢习惯面对公众，唔会惊讲嘢。”

点击下图睇绝密照：

产后积极修身的Jinny成果显著，但她就大爆自己怀孕暴肥17kg，更笑言不堪回首：“你唔好以为我系陈凯琳𠮶一type，冇肥过。我系一个有肥过嘅妈咪，我生完小朋友之后体重依然Keep住喺68kg，我未陀小朋友之前系51kg，我系足足肥咗成17kg。”Jinny在短期内极速修身全靠“168断食法”，成功在两周内减了5kg，再积极做运动减磅，回复Fit爆身形！