逐流时代｜监制戚其义叹香港改变：地道文化慢慢喺戏剧世界消失

由林文龙主理的亚洲心动娱乐（AMM）出品、戚其义监制、麦明诗与麦子乐主演的新剧《逐流时代》周五（30日）举行拜神仪式，曾为无线（TVB）效力逾30年的戚其义谈起今次与AMM合作的制作差别，他说：“要谨慎好多！因为香港有好多环境唔同咗，例如而家申请地方拍嘢要十几日，又要冇得变，以前条街有咩问题都可以转过隔篱街，而家就唔得，好多直程未必会批，调动性咁有限，未必可以好似以前啲戏咁拍到出嚟，例如《4 in Love》𠮶阵封咗旺角条街，陈豪、佘诗曼喺里面拍，而家根本就唔会畀你拍，呢啲香港特色嘅地道文化就慢慢喺戏剧世界里面消失。”

戚其义在无线时期曾制作出《珠光宝气》、《天与地》等神剧，其金漆招牌某程度上也是口碑保证，令新作更令人期待，他形容《逐流时代》故事讲述阶级固化为香港的社会病态：“有老中青，系最传统嘅伦理（故事），年青一代喺香港社会应该拣一条咩路行？”谈及会否怕被指题材与奥斯卡最佳电影《上流寄生族》相似，戚其义就淡定指：“呢种寄生系不嬲都有，只不过系寄生嘅过程发生咩趣味，里面亦都会出现不道德交易、好抑压嘅爱情故事。”至于其御用编剧兼最佳拍档周旭明缺席本部作品，他就解释：“佢太忙，有冇唔习惯就一定有，奈何喺逆境下都要畀多啲机会大家（各自）拍戏。”

戚其义谈及应允为AMM拍摄《逐流时代》是被林文龙的诚意打动：“个平台满足到我哋团队，有阔啲嘅创作空间。”至于回归无线的想法，他就指：“香港而家仲有咩平台？每个有生产剧嘅平台都想合作，其实而家要开剧都几困难，如果香港可以百花齐放都系一件好事。”近来TVB与ViuTV之间的电视大战愈演愈烈，在行业中有举足轻重的戚其义说：“大家嘅剧集都几丰富，ViuTV有咁多种类嘅剧、又年青；而TVB嘅剧集就一向咁大型，我觉得都几好。我哋应该做到香港自己本土味道嘅剧集、观众就会有共鸣。”