逐流时代｜麦明诗拒回TVB拍剧：一年嘅假唔系咁多

麦明诗（Louisa）与麦子乐周五（30日）出席亚洲心动娱乐（AMM）出品、戚其义监制新剧《逐流时代》拜神仪式，这也是她转职律师后久违公开露面，她更指今次为拍摄更与公司请了十多天年假：“本身好仰慕戚导，今次系好挑战到我作为演员嘅一部剧，虽然我之前摆低咗演艺事业，但演员仍然系好吸引我嘅艺术，都好有兴趣继续发展、陶冶性情都好。”

点击下图观看麦明诗是日靓相：

今次担正做女主角的Louisa直言要在有限时间内完成拍摄对体力要求颇高，不过她就十分享受过程：“今次嘅拍摄模式同以前喺电视台未必一样，好多时我哋演员会坐低一齐倾场戏，导演监制都会一齐倾想件事好，咁样好爽。”问是否与在无线（TVB）感觉不同？她说：“以前嘅制作模式唔一样，每个监制风格都唔一样，资源唔一样、时间限制唔一样，做演员好在可以体会唔同方式嘅拍摄。”

问起会否有想法回无线拍剧，Louisa即落闸：“应该都唔会，我嘅意思系暂时都唔会再拍剧，唔关边个电视台事，限制在于我嘅重心仍然喺我嘅正职工作，我好享受呢个状态。大家都明白打工仔，一年嘅假唔系咁多，如果有其他机会都要再等啱嘅时机。”

问起Louisa感情事，她就说：“追求者不嬲都多！不过坦白讲呢几月真系一啲拍拖时间都冇，我真系连见爸爸妈妈嘅时间都冇，始终日日都要开工，又要处理好工作上嘢，都系想抽多啲时间陪屋企人先。”至于钟培生将与Louisa的前度林作有场擂台赛，而钟早前更直认以6位数邀请Louisa担任拳赛嘉宾，不过她就拒去现场睇拳赛：“暂时见唔到呢个可能性，我自己都好忙，作为娱乐有兴趣睇嘅，喺电视转播几好，我又唔使特登去。”