好好生活｜梁乐童自爆2年冇拍过节目　全靠教人画画维生

梁乐童（Stephanie）今日（6/6）现身荃湾出席HOYTV全新节目《好好生活》开厂拜神仪式。Stephanie接受《香港01》访问时表示：“今次我就化身成采购员，远赴北京上海等地，搜寻一啲有趣新奇嘅资讯俾大家。不过去到内地第一日就出事，我个行李喼爆咗个辘，心谂大获第一日就爆咗辘，咁我点挨11日，后尾我就上网俾我买到个新喼，问题就咁解决咗。”

此外，Stephanie透露入行后已有两年未有做过节目，坦言全靠教人画画赚取生活费：“我都系喺妈咪个画室度教人画画，算系可以揾到两餐，如果好奢侈嘅生活就唔得，咁始终都系做街坊生意。（有否定时限在演艺圈发展？）咁又冇，因为我谂住为艺术牺牲，始终有呢个机会系好多人梦寐以求，自己难得入到行，咁所以我就唔会放弃。”