陈方藤感激旧爱容祖儿拉队撑场：佢嘅出现系对生意系有帮助

容祖儿旧爱陈方藤（Meter)今日（2/6）现身电视城出席无线节目《人生美食地图-东京篇》记者会。对于早前他新店开张生意未稳定，祖儿就拉大队去撑场，尽显有情有义。

Meter就事件接受《香港01》访问时表示：“佢嘅出现，系多咗好多小红书，对生意系有帮助。不过明白而家好多人返内地消费，变咗成个潮流都转变咗，已经唔可以用以前嘅方程式去做，始终我哋嘅成本性价比，莫讲话内地，连邻国或日本都系我哋嘅竞争对手，变咗系难咗，唯有揾方法。（祖儿落铺拍片前有通知？）我系知，而佢本身一直都有同我讲想落嚟食，咁所以佢落嚟前有同我讲。（多咗流量有冇多谢祖儿？）哈哈，咁都要多谢，不过又唔使讲到出口，大家心照。（大家好耐冇见？）其实大家有时都会联络，但见面就少，始终大家各有各忙。（有否想过一齐做生意？）咁梗系唔会啦，我觉得艺人唔应该做生意，我觉得做返自己𠮶样嘢，无啦啦做生意怕冇时间去管。（留返俾你管！）咁当然系啦，但我又唔需要拍档嘛，天下咁多人，点解要同佢拍，哈哈。（搞咗咁耐生意从来冇夹其他人？）我做生意咁耐从来都冇，因为烦少样嘢。”