战场上｜黎芷珊大爆节目被腰斩 缺席台庆到印尼颁奖礼背后真相

黎芷珊今日（30/5）现身启德出席CRISATHENA × CHILLPANDA（无忧熊猫）《爱的传递是最新潮流》新店开幕。对于上年11月，由她主持的节目《战场上》因被网民投诉惨被腰斩。事后缺席无线台庆，随即惹起网上关注。曾志伟受访时解释黎芷珊缺席台庆，因为节目《芷珊约您》入围颁奖礼而身处印尼。

黎芷珊接受《香港01》访问时大爆真相：“节目腰斩当然好可惜。（会唔会问志伟会唔会重播？）我谂公司有佢哋嘅睇法同决定嘅，咁所以我就不必要去阻碍佢哋嘅决定啦。（缺席台庆系咪嬲嬲猪？）唔系，其实我真系去咗印尼𠮶个颁奖礼。（系咪因为避风头？）都可以咁讲，因为唔想𠮶件事再炒作落去。（呢个决定系公司？）其实大家都系咁谂，大家都想件事唔好再发酵落去，咁我咪忠于呢个做法。（呢件事自己有咩感受？）始终都系觉得嘥嘅，因为系揾命搏去做，去咗两个战地，冇得出真系觉得好可惜。不过我明白会有唔同嘅声音，每人都有自己发言嘅权利。”