钟嘉欣回应旧爱伍允龙与新欢年龄相差13年：钟意就得啦

伍允龙早前与年轻女子同游主题乐园，随后又被发现与李蔓莹（Renee）一同睇林峰演唱会 ，恋情曝光后，伍允龙接受《香港01》访问时大方认爱，更承认之前同游迪士尼的正是Renee本人：“㖊晚同我一齐出席演唱会嘅，系我女朋友 Renee，亦都系较早前一齐去迪士尼玩嘅朋友，最近透过朋友介绍认识开始拍拖，希望嚟紧大家都俾多啲时间同空间我哋，多谢大家！”获网民送上祝福。

今日（29/5）钟嘉欣现身金钟出席活动。对于旧爱伍允龙成功脱单找到女朋友，钟嘉欣接受《香港01》访问时表示：“其实我都系啱啱先知，咁我哋作为朋友都戥佢开心，送上最大嘅祝福。（有冇透过报道见到佢女友？）我经理人俾我睇过一次。（觉得个女仔点？）我唔知，我都系䁽眼见到，我唔知呀。（觉唔觉得好可爱？）其实我真系唔知，我只系䁽眼咋。（佢哋年龄相差13年！）无所谓啦，钟意就得啦，呢啲交返俾佢讲啦。（伍允龙勇敢认爱符啲符合佢嘅性格？）我唔知呀，我好耐都冇同佢联络啦。（佢哋两个衬唔衬？）即系𠮶一刹那，喺𠮶一秒我觉得衬㗎。（系你印象当中伍允龙钟意边一类型嘅女仔？）成十几年前嘅嘢，我唔知佢而定钟意边类型。（咁耐冇返嚟，会唔会揾伍允龙聚一聚？）唔会啰，点会呀，因为我返嚟好短时间，我连见我好朋友王君馨都冇时间见呀，我知佢啱啱生咗，见佢个状态好似未生咁好。”