古巨基Cosplay变Tyson Yoshi　海儿一句辣㷫基仔︰你做番个人啦

古巨基最近带住同门师妹“音乐女神”海儿（Hedy）及YouTuber程人富去大阪拍摄全新旅游企划《I REALLY LOVE TO Travel我真系好钟意旅行》。去到出名动漫及Cosplay的日本，三人当然“入乡随俗”，于日本桥电器街丧玩Cosplay，更意外被爆原来基仔是“元祖级Cosplay王”，认真厉害。

节目一开始，Hedy及程人富均指自己于动漫范围十分耍家，这时基仔淡淡然说道：“你哋知唔知我都系cosplay嘅元老，你哋可能冇睇过，我以前演唱会有cosplay。”随后三人去到专卖cosplay服装店舖shopping一番，在懊恼究竟扮演哪一部动漫时，Hedy指：“我呢排都有讲话大推《胆大党》（Dan Da Dan）。”虽然决定扮演哪一部动漫，但在选择角色时，Hedy突然向基仔爆出一句，“不如你都系做番人啦。”即时激到基仔跳起，“咩叫做番人呀？！咩意思呀你？！嗌我做番个人？！咁即系我而家系唔系人呀？！哈哈。我呢几廿年做咗啲乜嘢呀？”笑到在旁的程人富碌地。

最后基仔Cosplay円城寺仁、程人富扮演高仓健、Hedy则化身Seiko Ayase。三人以神还原的造形丧玩大阪街头，更特登走到人多的地方如机舖及夹公仔舖游走一番，基仔笑言：“今日我哋搞到呢个look，要练嘅系乜嘢呀？胆大呀！因为系《胆大党》吖嘛！无论见到所有人佢哋望我哋嘅目光系点，我哋仍然自信。”期间更吸引到不少途人围观兼拍照。

行到攰，三人到餐厅医肚，一走进餐厅，又被店员“认出”，Hedy谓：“啲店员都话：‘哦！Dan Da Dan！’”然后又大赞自己三人神还原角色，“都几似㖞真系我哋几个，唔系讲笑。”不过基仔认为自己cosplay Tyson Yoshi，“我己觉得好似Tyson Yoshi，你揾番佢红色头发嘅时候对一对吖，哈哈。我send我呢个look俾Tyson先。”随后他又拿出电话，跟Hedy及程人富分享自己过往演唱会的Cosplay造型，“应该有十九年前，差唔多二十年……”话未讲完，Hedy看到电话便冲出来，“哦！《Devil May Cry》！”即时获得基仔大赞：“真系识㖞！识嘢㖞！”节目出街后，基仔将自己Cosplay造型跟Tyson Yoshi的“合照”放上自己的社交媒体，即时引来Tyson Yoshi留言：“哗 有feel”基仔则回应：“下次cos埋你个body”十分搞笑。