声梦传奇｜曾志伟影射学员年龄细外国升学难搞 姚焯菲：唔觉系咁
撰文： 吴子生
出版：更新：
姚焯菲（Chantel）今日（11/4）现身将军澳电视城出席《无线电视暨职艺员爱心基金》善款移交暨委任爱心大记者会。对于日前曾志伟公布停办《声梦传奇》的原因，指学员年纪太细难控制，又指有学员表现不错的时候，又要到外国升学，情况难控。有网民猜测Chantel当年参赛只有14岁，加上又要到外国升学，有被影射之嫌。
Chantel接受《香港01》访问时表示：“我又冇觉得系咁，反而我觉得公司系有佢哋嘅原因，可能《声梦》都两届，而啲赛制又差唔多，变咗佢哋所以改一改。（当时你升学无线有冇提出过啲意见？）其实佢哋又冇提出过，系因为我哋系一早倾好晒，知道我会出国升学。其实我一入嚟嘅时候，已经有同佢哋沟通过，可能第时要去外国升学，因为由细到大都有呢个计划，公司系知道。”