缅甸大地震｜陈懿德有亲戚喺泰国倒塌大楼返工：避过一劫

陈懿德（德德）今日（29/3）现身尖沙咀出席《慧妍雅集43周年慈善晚宴2025》。提到缅甸地震波及泰国，曼谷兴建中大楼倒塌致多人死伤及过百人失踪，泰政府宣布进入紧急状态，情况令人忧虑。

德德接受《香港01》访问时表示：“其实我同屋企人本身系谂住呢段时间去泰国旅行，点知突然之间公司要我上堂，仲要系连续上两个星期，变咗我哋就取消咗去泰国旅行嘅计划。（咪逃过一劫？）其实自己都有咁谂过，咁所以系感恩。不过我系有啲屋企人都喺泰国同埋有屋，地震发生咗之后，我哋都有即刻联络咗佢哋，佢哋都话屋企外墙，都被地震震到有裂痕。而另外有位亲戚都系倒塌𠮶座大楼返工，听妈咪讲，佢𠮶日好彩冇返工，避过一劫。”