王晶获“铁板神算”董慕节批命呻揾笨 梁思浩指对方做少一样事

王晶近年开YouTube频道“王晶笑看江湖”大爆娱乐圈秘闻。早前一集王晶就谈到圈中两大术数奇人，其中一位为早年仙逝，享寿101岁的“铁板神算”董慕节先生。王晶指当年揾过对方算命，获批只有65岁命，最终与事实不符：“记得倪匡睇完就话40几岁就死。佢就80几岁先死，即系多咗40年，所以佢唔信，觉得系揾笨。”惹起网上热话。

曾经揾过董慕节批命的梁思浩今日（25/3）现身将军澳电视城出席TVB Plus《直播灵接触》宣传活动，就事件接受《香港01》访问时表示：“其实我觉得无论几准嘅师傅 ，都要同𠮶个人有冇缘份。（当年算到有几多岁命？）应该比晶哥长命少少啦。不过晶哥佢系讲得啱嘅，就系算到最后就会有呢两句‘南极仙翁来保奏，北斗星犀把寿添’，𠮶阵时我都冇问师傅点解？佢就会话我够钟。其实佢系有最后一句，我谂当时晶哥攞完张批命书之后冇再返去揾佢，因为我有攞返本命书返去揾师傅，而师傅就话我计就计到呢度，之后去唔去到多十年，就要睇自己嘅功德同功课。（晶哥话佢讲嘢好玄你觉唔觉？）其实所有高人讲嘢都好玄，咁所以你自己谂啦。”