滑冰女神马晓晴公开认爱桌球“世一”卓林普　竟然对一样嘢无兴趣

滑冰女神马晓晴（Maisy)今日（27/3）现身尖沙咀出席《香港01》联同网红营销平台Starry举行第二届《网红营销品牌大奖2024》颁奖礼。Maisy除了本身是一位滑冰教练之外，亦有经营YouTube个人频道，她接受《香港01》访问时表示：“其实要经营一个频道真系好困难，始终而家都有好多网红，变咗要突围而出，要与众不同，变咗会拍教人溜冰同埋做运动嘅片俾大家。”

桌球“世界一哥”卓林普（Judd Trump），早前受访时透露确定移居香港原因之一是想陪伴在香港居住的女朋友，但外界有指其女朋友正是“滑冰女神”马晓晴。身为滑冰教练的Maisy，被问到有否时间学打桌球？Maisy甜丝丝的说：“冇呀冇呀，运动方面我都系同啲朋友行吓山。（你对桌球冇兴趣咩？）哈哈，其实都冇乜兴趣，因为太难啦。（你男友打桌球好叻！）但我唔识玩。（佢唔会教你咩？）其实真系冇乜时间，因为每日都好忙。（佢而家喺唔喺香港？）唔喺，因为佢而家比紧赛。（会否长时间相隔两地影响感情？）咁冇嘅，始终个人就唔想多讲，始终呢排都好忙。”