【致命复活】为拍裸背戏狂做sit up　谭凯琪：我嘅结局好凄美

《幕后玩家》的最强小三Emma（刘佩玥饰）昨晚就完结，剩返同样性感的《致命复活》Emma（谭凯琪饰），今日谭凯琪Zoie就出席《致》剧宣传活动，她表示好多人，甚至远房亲戚致电给她问剧情，她说：“超多人打俾我，姨妈姑姐，好多年无揾嘅朋友、同学都打嚟问，不过我都系话俾佢哋听，未知剧情咁睇先好，我只能够讲，我嘅结局好凄美。”当然不少网友最爱看Zoie露背一幕，她表示事前都有下苦功，她说：“早、午、晚做sit up、每次30下及做Plank（平板支撑），都系想线条firm啲，咁出嚟就好睇啲啦。”

另外今年Zoie 几套剧都令网民有深刻印象，她亦表示初时都有担心自己起步较迟，她说：“初入嚟TVB，好多人觉得我会唔会太迟？𠮶刻我都好怀疑，自己都唔知点答，只觉得自己要试要做，但依家就唔会后悔。”

Zoie 感激《EU超时任务》水晶梨这个角色，带给她很多，但亦感激自己遇过事业低潮，她说：“都曾经试过放弃，转行，我当年系小室哲哉徒弟入行，又去过台湾发展，之后又返嚟香港，𠮶段期间无签公司又冇工作，𠮶阵去咗一间日本公司做文职，当时心谂自己唔想停落嚟，因为身边同期起步嘅已经超越过你，马死落地行，唔一定要做呢行，其实谂返又唔算太低潮，只不过唔同阶段吸取唔同嘅嘢，我庆幸自己经历过。”