【致命复活】谭凯琪鹌鹑妹扮自信　裸背挑战自我：几大都要做落去

最近睇《致命复活》就好似玩无奖竞猜游戏，观众纷纷侦探上身，不断估谁人就是害郭晋安被绑架的幕后黑手。不过有一日，忽然有人讲了句：“《致命复活》个Emma都几乞人憎！”终于为此剧带来新话题。谭凯琪（Zoie）饰演的Emma，是个十优状元，满身就是硬道理，说话倔强，如果要跟这类人相处，的确并非人人接受到，继而敬而远之，所以天秤座的Zoie都话演起上来有难度。摄影：黄国立服装：Imperial from MAGinSHOP

根据普遍的星座书都指天秤座为人比较优柔寡断、温和，Zoie对此都深表认同，还担心剧集出街，见到Emma如此强悍，会被观众丢鸡蛋：“一直以来都做开比较柔弱的角色，相对容易handle。加上我平时说话都比较慢，又多尾音，而且又冇咩自信；但Emma就好tough，讲嘢好sharp，所以都几大分别。系几难做㗎，但后来惯咗个节奏，都feel到自己睇见浩信佢哋有啲唔顺眼！”观众丢鸡蛋就未必了，但从友人一句“Emma好乞人憎”，Zoie都好成功，建立了一道Emma的专属气场。

裸背当盬花点缀下不过，Emma又不只得硬朗，就好似早前已播出的被人整蛊和裸背情节，还为沉重剧情带来了少少盐花点缀下，是一个轻松位。短短几分钟的画面，Zoie事前要足准备防走光，她坦言在场的工作人员多是男士，难免会尴尬，但为了理想效果，几大都要做落去。试完裸背，是否代表Zoie之后可以去到好尽？“当然要有个尺度，今次算系我入行以嚟最性感，又唔好畀界线自己住，只要系合情合理嘅情况，都可以接受。”

Zoie入行16年，2013年才加入无线。短短3年，已有近10套剧出街，早阵子播出的《EU超时任务》，Zoie饰演的水晶梨反应理想，看来前途一片光明。但回想起3年前，Zoie加入TVB的决定其实不容易，“身边会有朋友同我讲：‘而家先入TVB？’我当时都好挣扎，会唔会真系太迟呢？而且我入行10几年唔系短，但时间一耐咗，我就觉得其实无分迟定早，冇之前经历就冇今日嘅我，兜兜转转，寻找紧自己钟意嘅嘢，就系演戏。”

走出舒适圈与此同时，Zoie认为有机会就要好好把握，加入了TVB，让她走出了人生的Comfort Zone，“以前会单纯觉得做紧一份工作，亦好安于现状、好知足，但我都会想进步。”她亦清楚这一行竞争好大，“无错，要有转变系需要勇气、都知道竞争好大，靓过你嘅人又有，好多同事都好识演戏，会觉得自己好渺小，但正因为咁要去增值自己，咁先可以帮到自己，自信心先会返嚟。”所以，现在Zoie每收到一个剧本，都会变得更加积极，“嚟到呢度见到好多好优秀嘅人，令我更加努力，系一件好事。”得到别人肯定，所有打撃说话不再重要，如今Zoie虽然仍未想过自己会否红得起，但至少庆幸自己有踏前一步，享受自己演戏的时刻，“再过多几年就结婚生仔，唔去做就无时间去做㗎啦。”

慢慢嚟唔好急Zoie的事业渐入佳境，那么感情又有无著落呢？她表示来到谈婚论嫁的阶段，选择伴侣都要非常严谨，“要相处一大段时间系咪真系真命天子。”她认为身边有好多可以相处的对象，但最重要视乎对方的本质，“要对我同屋企人要好，孝顺都好重要，而且肯为自己的人生努力。”不过讲讲下，Zoie坦言已过了心急想达成结婚目标的年纪，虽然婚点都一定要结，仔点都一定要生，但Zoie表示要找一个适合的人，最佳方法就是时间，“咁先可以揾到一个适合自己嘅人。”希望Zoie可以揾到，咁就可以事业爱情两得意！