【幕后玩家】刘佩玥演狐狸被狂闹　最强小三求情：都系出自真心！

龚嘉欣于《幕后玩家》的喊戏这两天在facebook洗版，不过能够令她喊到收不到声的，主因都是刘佩玥，被网友封为史上最强小三，在剧集中疯狂色诱黄宗泽，大肚去灵堂踩场，又要求同龚嘉欣共用老公，招数越出越强，加上阿Moon又演得好，令到观众，尤其女粉看得咬牙切齿，有不少看得太投入的女粉，更在阿Moon的facebook instagram留言闹，不过阿Moon就话大部份粉丝都是理性，她说:“我唔系最强小三，剧入面嘅Emma先系，我唔会做小三啫，其实佢哋分得好开，睇剧还睇剧，我唔介意嘅，我有少少安慰，如果做出嚟大家冇感觉，咁我觉得冇意思。”

不过阿Moon在最近的instagram post 都写住“Emma是Emma，我是我。希望大家是评论剧情角色也好，投放个人感情也好，无任欢迎。但请记得锡住现实的我：）”看来都担心粉丝过份激动。

剧中小三Emma粉身碎骨都要融入Sheldon家中，不过阿Moon就话其实Emma是悲剧人物：“其实Emma系为咗自己嘅幸福同将来去打算，所谓佢啲小三招数都系出自真心，因为冇咗BB先令佢谂得偏激，但大家睇落去啦，大家就唔会只系讨厌佢，会好可怜佢，因为之后出招𠮶个就唔系佢嚟㗎!”莫非轮到龚嘉欣出招？

而为了做好这个角色，刘佩玥紧张到出风癞，她说：“拍𠮶阵真系有压力，系我惊做得唔好，之前大家见到我成身风癞，皮肤又好差，都系因为自己大压力，搅到调理得唔好，但而家反应咁好，都觉得系值得嘅。拍之前都有参考几套电影，又问下身边嘅人有无呢啲经历呀，或者上网睇，咁Bosco同阿聪仲有监制阿Joe(陈维冠)都俾好多意见我，全部都好帮我。”