【幕后玩家】张继聪口花花做兵仔：有咩事真系第一时间帮你！

近期睇《幕后行家》，讲到黄宗泽饰演的Sheldon，以为共聚天伦之乐，与正印Carmen及女儿远走高飞，谁知在半途却用尽言语，彻底伤透对方的心，不少人都看得咬牙切齿，觉得“有无搞错！点解可以咁无良心。”停一停，谂一谂，就会发觉得最初对人口花花声大大的Tim少，系全套剧入面最正常𠮶个。而饰演Tim少的张继聪，就觉得这个角色够晒贴地，仲话“梗有一个Tim少在左近”。摄影：梁碧玲

张继聪身边的朋友就是活生生的例子，他们的善良心地及义气，让阿聪牢记一辈子，“我觉得朋友相处，钱银解决到嘅就唔系问题，最重要系有冇喺心灵上帮人，我唔会记得自己点帮人，但绝对记得人哋点帮我。我身边有好多Tim少，把口虽然贱贱哋，但心地真系好好，有起咩事上嚟真系第一时间帮你，所以我做Tim少，就会谂起佢哋，自然就会将生活所见到，放喺角色之中。”

记得《幕后玩家》初出街时，张继聪将Tim少做得入型入格，轻易跑出。而过去的《老表你好hea》、《忠奸人》及《收规华》等，有张继聪的话，他所做的角色都会是焦点所在，网民也很受落。张继聪就觉得自己只是好彩，“呢行入面，好多人都好勤力，但有无天时地利人和呢？每个人都有，未必系而家，可能系十年后，根据自己经验，最好就唔好太追求呢啲，如果唔系好迷失。”张继聪认为追求结果就好似买大细，有人喜欢也有人讨厌，没有甚么空间讲自己有多努力，“若然系要停留呢啲位，我谂我好快会精神病，所以有人钟意我做戏，会觉得系好彩。”

Tim少过去爆出不少抵死金句，最精警必然系“爱情退一步就人去楼空”，张继聪表示有份同监制、编审谂金句，幕后人员才是最大功劳。甚至乎，Tim少咀里常说的“神经病”，都是取材自平时日对夜对的工作人员。至于Tim少对住女仔口花花，放在现实生活中，唔知张继聪觉得咁样追女仔work唔work呢？“我由细到大睇过好多女明星嘅访问，都话钟意男仔够幽默呀，钟意运动又大只呀……我谂女仔都想身边有人氹自己开心。”咁……又有无好似Tim少咁追过女仔？“咁梗系有，但我同Tim少唔似嘅地方，就系我唔会去夜场，亦无立志要几岁结婚。”

继续学做好老公事实上，张继聪大大话话同老婆谢安琪结婚近十年，是不少人心目中的模范夫妻，经常见到他们不经意地“放闪”，认真羡慕。张继聪自言与老婆有一套相处模式，关键在于经营。虽然是老生常谈，但未必人人做到，“我觉得有童话故事，但就唔系从此之后快快乐乐咁生活，你唔驶做任何嘢。你都要去氹另一半，都要去学习、理解，我自己都学紧。”随日子流逝，少不免会听到“感情变淡”、“大家变了”这些死症，张继聪认为变化是无可避免，人总会成长，愿不愿意体谅、包容，是一门艺术，“现在好多人关系唔长久，可能就系咁算啦，揾过第二个啦，会觉得下一个会好啲，但我觉得唔会，如果你唔去解决自己问题，下一个都会都系咁。所以我到而家都学紧，做个好丈夫、老窦或儿子。”

囝囝张瞻转眼快十岁，未来还有囡囡出世，张继聪一家四口，名符其实是美满家庭，他坦言非常知足，“而家好享受生活，冇去求好多嘢，因为想要同需要，都系一线之差，你需要几多呀？但你想要就好多，调节得到自己有着数，如果唔系就会日日都唔聚财，其实唔关个世界事，系自己个定位摆得唔好。”

为人父母以身作则

据知囝囝得知妈妈怀的是妹妹，似乎有点Sad？“始终男仔都会想要细佬，我自己都系，小朋友唔会想像到生命嘅美妙，但近期佢见到BB一路成长，会踢妈妈个肚，佢都会觉得好得意，开始学紧点做一个哥哥。”所以，张继聪作为爸爸，都要以身作则，让囝囝有定心理准备，“如果讲一句听得明，呢个世界无人会坐监，父母系仔女仲细实系做好人，但都会尽本份，屋企严禁讲比较嘅说话，唔会话‘你睇阿妹几好？阿哥无鬼用’呢啲说话，免得佢会觉得自己有嘢被抢走，但点样再同妹妹相处，都系佢自己嘅课题。”