【幕后玩家】黄宗泽为钱奸到尽：30几岁人仲做偶像派咩？
歌仔都有得唱：“难为正邪定分界”，这个世界并没有绝对的好人、坏人，一体总有两面。不过，黄宗泽（Bosco）大反其道地话你知，总有人为某些东西而去到好尽，甚至抛下情感伦理，这就是现实世界。摄影：符祥定发型: Jun Choy @HH hair.nail化妆 : Miko Wong @Cyrus Lee Team造型 : queenieyu服装: 十舍 @ 10thshop.com
点解咁讲，说的就是黄宗泽在《幕后玩家》所饰演的秦升海Sheldon，这个角色是Bosco奸得最尽的角色，正当以为他为母亲失声痛哭，还有几分亲情，但原来最终他还是为了利益，放弃身边所有。Bosco初时见到剧本，都疑惑：“系咪真系咁写呀？”谁知监制陈维冠听罢淡淡然表示：“你唔系觉得世界上无呢啲人呀嘛？只系大家嘅道德观，唔想去提，但确实有存在。”这套剧重点是人性，所以Bosco今次奸到尽，他坦言最难放低所有包袱，但无办法：“唔好担心观众憎你，就系要佢哋憎，憎就啱啦。”
《幕后玩家》的Sheldon为钱甚么都不要，尽显人性的贪婪。现实中，Bosco也遇上过类似的“最佳损友”，“试过有识咗好耐嘅朋友，因为钱银而绝交，我相信好多人都会试过，其实系肉赤嘅，咁多年好朋友，但发现为钱银系可以咁样，咁咪唔做朋友啰。细个会觉得都冇乜嘢呀，大个就会谂返，尽量都唔去接触呢啲人。”成世人流流长，的确有些时候，系要交下学费。
不再做偶像派要磨炼演技
Bosco今次奸到尽，相信观众都会好期待，但过去他所演出的角色，如《潜行狙撃》的跛Co、《点金圣手》的卓彧，还有《好心作怪》的孖生兄弟等，演技备受好评。在TVB工作了十多年的Bosco，又会否想有奖在手？谁知他笑说：“讲真30几岁人仲做偶像派为咩先？始终要磨炼下演技。”、“斋型斋靓做唔到好耐㗎！”比起在台上得奖讲感受，Bosco最想有血肉之躯亲自赞他演技好，“拎咗个奖，就会有人话唔知系咪因为约满，畀个奖你。个奖唔系nothing，都有意义系度，但亲口同我讲好戏，仲好。”
【幕后玩家．剧透】黄宗泽利欲薰心害死陆永 抢人妻黄翠如正人渣
离巢？保持神秘
提起约满，近来一直有消息指Bosco快将约满离巢，积极在内地发展。孰真孰假？Bosco没有正面回应，他最希望与TVB未来都能够保持良好关系，就算离开，依然会有合作，“第一份工到而家十年，系佢（TVB）养大我，无TVB都无今日。”内地工作价钱吸引，但Bosco明白两地市场不同，而每次离开香港，都让他意识到不能100%在内地工作，“先唔好讲系TVB，始终我系香港大，所有朋友、屋企人系香港，叫我掟低晒离开，真系唔得。”
不日出新歌搞气氛除了演戏，相信大家对Bosco的印象，还有唱歌，间中会听听他的歌。Bosco就讲起他在内地遇上陈伟霆的趣事，“佢都好忙，不停拍戏，无啦啦走去拍MV唱歌咁辛苦，点知佢答我：‘就系无端端先整一首！唱歌梗系无端端㗎啦！’我听落又觉得几有道理㖞！”那是否代表Bosco会再战歌坛？他表示：“无所谓，但大家清楚我都系玩下气氛，high下，如果要听歌艺，梗系听李克勤同容祖儿啦，唔通我仲冧滋滋同你唱情歌咩！”
拍戏、唱歌同做生意，Bosco都已经试过，但他不愿意停下来，少去刻意想起感情事，就算身边好友位位已成家立室，都没有太大意欲去计划何时有人生大事。“一来我系工作狂，二来呢行嘅天敌系时间，女仔会好易无安全感。”工作狂的程度，Bosco形容两星期没工作就会坐立不安。虽然他坦言工作时难免会有寂寞时候，想有人陪，但态度还是随缘，“可能一年后遇到个好啱嘅，无端端结婚都唔定架，但而家无谂啦。”