黄祥兴自爆曾遭乐易玲断北上发展：佢同湖南卫视讲‘他是我的’

无线自05开始嘅《香港先生竞选》，虽然只系举办过八届，但已吸纳了大批小生，当中包括许家杰、翟威廉、丁子朗、黄建东、罗天宇等人。最新一集由伍咏薇、林盛斌（Bob)主持嘅《Tiger`s Talk》，请嚟男出身嘅黄祥兴、袁伟豪同高钧贤作客。

问到港男嘅面试情况，是否与港姐如出一辙，袁伟豪表示：“我记得第二轮面试时，乐小姐都在场，我着平脚泳裤拎住支结他，无着衫，呢一刻谂返其实都几好笑，啲评判坐喺度望住你，你好似一个全裸嘅人拎支结他遮着自己唱歌表演咁。”之不过，呢个泳裤面试环节，原来黄祥兴系未曾经历过，事关当年由法国回流嘅佢，由于中文唔好，听错星期日做星期一，因而错过面试因而被安排后补。“我入咗一间房仔，有乐小姐同钱国伟，自我介绍时佢哋一听到我来自法国就话OK，无着泳裤，可能知道来自法国size应该无问题。”

黄祥兴当年虽然三甲不入，但最终仍获无线签约成为旗下艺人，并随即有拍剧机会。“第一套《汇通天下》， 同陈豪争郭羡妮，我做佢男朋友，有咀戏，仲唔发挥下我啲french kiss。不过当时我系广东话未ready，又无上训练班，一嚟就去横店。”黄祥兴于07年获公司安排到内地参与《舞动奇迹》，虽然羸面十分低，但仍然日练夜练，甚至获湖南卫视高层赏识。“佢问我有无兴趣一齐发展，我当时望一望小姐，佢拧头然后话‘他是我的’”黄祥兴未有因错失赚人仔机会而感到可惜，反而十分感谢乐小姐重视。

节目中，身为主持嘅Bob提到当年细佬黄长发因恋上“鞋王三奶”李姿霆而搞到甘愿放弃事业，问黄祥兴可曾感到拖累时，黄祥兴一时感触落泪，并谓：“我唔会嬲因为始终系一家人，但咁多年都戥佢心痛，主要系𠮶时打击比较大，到而家有时佢都会惊人望住佢嘅眼神。”黄祥兴当年支持细佬参选港男，是希望他透露训练而变成成熟，但结果却陷入不伦之恋，当时他曾与细佬分析，认为撇除对方“三奶”身份，单系比细佬年长16岁兼育有一女已经唔太好。“我相信（李姿霆）系有少少利用左佢，想去实现某啲目标，但佢又太天真，以为真系爱情。因为好多报道佢都唔知点解出咗镜，好明显有熟人先夹到记者，细佬𠮶时唔识呢啲。（觉唔觉得影响咗自己发展？）一定有，但𠮶时我广东话未好好，如果愈来愈多剧拍的话，都系slow down会好啲。”