江欣燕“扮嘢”从未感棘手　怕遭梅艳芳怪责一早谂定点拆解

由伍咏薇同林盛斌主持嘅《Tiger`s Talk》最新一集请嚟阮兆祥、江欣燕两位扮嘢高手做嘉宾。节目中，二人分享了不少当年《EYT》嘅趣事：“当年每日下午要开会围读，千万唔迟到，因为会受到好严重嘅指控，肥姐(沈殿霞)会瞪你，Liza姐会含笑望住你。我见过有人迟到，一入嚟肥姐就问对方‘最近系咪忙，其实我咃都好多嘢做，你迟十分钟就影响我哋全部人，希望你下次唔好’语气温柔，但已造不少压力。”江欣燕又自爆曾经在直播期间，因为唔记得对白，于是只好用“个咪无声”作为借口，但结果差啲令PA同事受罪。

提到过往所扮演的角色，江欣燕表示《EYT》中的Maria因为是自创，所以十分有满足感。但不得不提的是《乐坛插班生》嘅梅艳芳。“我开头好惊，所以一见到佢就话‘揾食啫’，佢即刻明白，佢之后话‘你可以唱好啲啰’”而曾经扮演宝咏琴嘅阮兆祥，表示当年曾在活动后台遇到宝咏琴，对方大赞他扮得十分神似，令他感到十分开心。另外，近年多咗拍无线剧集嘅江欣燕，笑言似“落田”，并谓十分辛苦，因为又唔可以有夜生活，又要减肥，但却感到满足。

点选下图睇下江欣燕扮嘢之路