高钧贤自爆由主角沦为二打六　 错失“强奸”高海宁：我做唔到

年初由内地回流香港嘅高钧贤，虽然未有表态会否回巢，但频频亮相无线节目嘅佢，足以证明双方关系良好。日前佢与同样都系港男出身嘅黄祥兴、袁伟豪，作客由伍咏薇、林盛斌（Bob)主持嘅节目《Tiger`s Talk》时，提及05年参选第一届香港先生时，因为实在太年轻（21岁)，所以好多嘢都唔识应对，亦因而影响了自己嘅星途。

高钧贤表示当年自己犹如一张白纸，只系记得选完之后第二日就被监制钱国伟带去兰桂芳夜蒲。“当时我系唔识，完全未玩过，一生人都未试过咁多女仔行埋嚟。”加入无线后，参演《肥田囍事》与《法证先锋II》，先后与胡杏儿、佘诗曼拍对手戏，短短两年时间，就已经由客串升呢做《幕后大老爷》男二。“我系唔认输嘅人，公司比好多机会我，拍《幕后大老爷》时，真系好困难，虽然系男二但并列男一，自己未拍过古装，对白、行位点摆都唔知，𠮶时真系揽住剧本瞓，自己尽咗力，好大压力。有时拎通告会听到啲人讲‘今晚同高钧贤？一定over(超时）啦’，拍完呢套之后，监制都唔系咁敢用我。”

确实，高钧贤拍完《幕后大老爷》后，开始沦为男配角，甚至连非礼阿婆等二打六的角色都要做，一度令佢抑郁成病。“心理压力好大，因为出街个个都识我，自己都想有进步，（完约前）最后几年系少咗进步，有一套拍紧都无咗，之后有一套系监制想比机会我，个角色系需要强奸高Ling(高海宁），佢知道呢个角色系会注目度好高，但我都做唔到。”高钧贤口中所讲嘅强奸角色，应该系2012年嘅《法网狙击》，剧集开拍前，他曾对外预告，惟之后他表示自己因为右脚筋断裂停工，角色由白健恩顶上。多年后重提旧提，他在节目中笑言：“咁我都想试嘛。”对手系高Ling，有边个唔想试？！

由于过唔到心理关口，令高钧贤发展平平，不过他否认自己不受重用。“最后几年乐小姐同高层都倾好多次，希望我留低，比我Offer都非常好，只系我30岁，想趁呢个时间博一博，因为自己都好钟意搏。”

点选下图就会明白高钧贤点解咁可惜