【叹息桥】伍咏薇与潘灿良岑珈其对戏感舒服：我好怕蠢嘅演员！

ViuTV全新爱情悬疑剧《叹息桥》将在下周一（11日）晚上九时半在播出，伍咏薇在当中饰演一名精算师，谈到接拍原因，伍姑娘就说这是她拍过数一数二喜欢的时装剧，除了很喜欢这部剧的剧本、大部分的班底都未合作过：“佢哋畀咗个好有难度嘅角色我，要揣摩都市病嘅演法，我唔想拍到好似一般电视台睇到有啲浮夸𠮶啲，其实有好多人好静态；我同导演倾咗好多次偈点处理角色，参考咗一啲西片嘅感觉，其实好赏心乐事。”伍姑娘谈到很多时候无论拍电影或电视剧都未必可以这样和不同部门沟通、合作：“我几钟意㗎！咁样会仔细啲！”

由于伍咏薇与监制林保怡的交情匪浅，伍姑娘一直以为是由林保怡提出合作，后来才得知是由导演肥波和二五提议，让观众打破对她的个有印象：“自己入咗行咁多年，仲有人去敢试我，就要我扔走伍咏薇嘅嘢，我好感恩！”伍咏薇在《叹息桥》中与剧帝潘灿良饰演一对夫妻，她就说有一定的压力：“我识佢嘅另一半（指苏玉华），都知佢喺舞台剧界好犀利，虽然对嘅戏份唔多，但大家有资历、一埋位一对戏就嚟料，好多时都系一Take过！”伍咏薇又大赞饰演自己儿子的岑珈其很有天份：“今次好舒服对到啲聪明又有水准嘅演员！其实我好怕蠢嘅同事、演员，虽然我都唔系好叻，但都唔蠢！”

点击下列图辑，欣赏更多《叹息桥》精美剧照：