《叹息桥》对战《降魔的2.0》冇压力　周家怡：要畀观众有得拣

ViuTV全新爱情悬疑剧《叹息桥》将在下周一（11日）晚上九时半在播出，这是周家怡继2016年的《玛嘉烈与大卫系列 绿豆》后再度与林保怡（Bowie）合作：“ 佢做监制就场场都喺度，其实系好事，始终佢系非常有经验嘅演员，就会同我哋分享。（大压力咗？）唔会！我哋成个团队台前幕后都好融洽，开工（疫症）前Bowie已经搞咗边炉聚大家一齐玩，所以埋位之前大家已经熟咗。”

无线现时亦正在播放重磅剧《降魔的2.0》，周家怡就笑说没有压力：“唔会吖，都唔同时段，睇完8:30咪睇9:30，咪成个电视业都兴旺，希望大家都尝试多啲新嘢、唔同种类嘅嘢，令观众有得拣，唔好畀观众觉得睇嚟睇去都系𠮶啲嘢。”周家怡又认为《叹息桥》的题材较新颖，故事发展也较烧脑，但始终要有新尝试：“但冇人踏出呢一步，就永远都冇（新作品），咁香港嘅戏就永远都只得经典，但𠮶啲经典就已经好经典，冇理由成日都拎经典嚟睇㗎？”周家怡又说自己也会看《降魔的2.0》，作为演员应该什么作品都看：“同埋有啲唔公平嘅系，有好多幕后好努力、有啲讯息想带出，唔可以因为个台就唔睇。”