【机场特警】何依婷与杨明演情侣直认唔过电　忆旧爱喊到眼肿

何依婷今日（26/4）现身电视城出席无线剧集《机场特警》宣传造势活动。提到在剧中饰演杨明女朋友，二人经常有亲密接触，被问到会否过电？依婷直言唔过电：“因为我系男性绝缘体，同佢拍摄对手戏时，反而会谂紧𠮶场戏嘅剧本，咁所以好少畀佢电到嘅。”

（杨明是否钟意类型？）依婷坦言：“佢唔系唔好，因为好多时候我拣男朋友，唔系只睇外表型唔型同大唔大只，反而我会睇大家夹唔夹，或者睇更加性格上嘅嘢，所以我拣男朋友会睇好耐，会慢慢观察佢个人会系点，究竟适唔适合先至会开始。”（现时是否单身？）“同上一任圈外男友分咗手成年时间，我同佢喺咪一齐都几年时间，当知道大家要分开系好唔开心，好记得分手后第一日返工要拍嘢嘅时候，当一Cut机后，我就即刻企埋一边喺度喊，喊到眼都肿晒。”